
GMLC010
Dance or Die: Undersky Gnostic Pop
2×12" LP, 33 ⅓ RPM, Compilation, Stereo · 2007–2016 / 2025
ტრეკლისტი · აუდიო სნიპეტები
დააჭირეთ მოსასმენადSide A
Side B
Side C
Side D
Kung Fu Junkie იყო გამორჩეული მუსიკალური კოლექტივი, რომელიც თბილისში 2007–2016 წლებში მოღვაწეობდა და მნიშვნელოვან კულტურულ ფენომენად იქცა. განსხვავებული გამოცდილების მქონე მუსიკოსების მიერ დაარსებული ჯგუფი შთაგონებას იღებდა 2000-იანი წლების თბილისის პანკ-სცენიდან, ალტერნატიული მუსიკიდან, ფსიქოდელიური გამოცდილებებიდან და ინდუსტრიული მუსიკის ფილოსოფიიდან. თავდაპირველად ჩაფიქრებული როგორც პერფორმანს-პროექტი, Kung Fu Junkie აერთიანებდა მიწისქვეშა თეატრს, შინაგან და გარეგან რეტრო-ფუტურისტულ კოსმოსურ კვლევებს, არაკომერციულ გართობასა და ცეკვას — ცეკვა გამოცხადდა საბჭოთა იმპერიის ნანგრევებზე ახალგაზრდობის თვითგადარჩენისა და იდენტობის დაბრუნების ერთადერთ საშუალებად, უკომპრომისო სლოგანით: „Dance or Die!“
Kung Fu Junkie ერთდროულად წარმოადგენდა ავანგარდულ მოძრაობასაც და სახელოვნებო გაერთიანება „ევრაზიული ლაბორატორიის“ საკვანძო ნაწილსაც, რომელიც მხატვრებს, მუსიკოსებსა და პოეტებს აერთიანებდა, ხოლო მუსიკალურ მიმართულებას ლეიბლი „სოკომუზიკა“ უძღვებოდა (Accidental Lover Boyz, „მინდა და ვთხრი“, Nothing FM, Dream Laboratory, Eva). ტრადიციული ბენდის ნაცვლად, KFJ ღია თეატრის პრინციპით მოქმედებდა და პიკისას შვიდამდე შემსრულებელს მოიცავდა. ჩანაწერების უმეტესობა იქმნებოდა გრინჩის (თაზო ლიპარტელიანი) ოთახში, რომელსაც „Undersky“ ერქვა — სიტყვა „ანდერგრაუნდის“ ირონიული გადათამაშება: „ჩვენ ანდერგრაუნდი არ ვართ — ჩვენ Undersky ვართ!“
პოპ-სტრუქტურის შიგნით კოლექტივი ატარებდა ექსპერიმენტებს 8-ბიტიანი ესთეტიკიდან და სათამაშო პისტოლეტების ხმოვანი ეფექტებიდან ჰიპ-ჰოპისა და ტრანსის ელემენტებამდე, პოსტსაბჭოთა სკოლებში ნასწავლი ინგლისურითა და ქართული ტექსტებით. მუსიკის გარდა, ჯგუფი აქტიურად იყო ჩართული სოციალურ აქტივიზმსა და საქველმოქმედო კონცერტებში ქალთა მიმართ ძალადობის, უკანონო დაკავებებისა და ნარკოპოლიტიკის დეკრიმინალიზაციის თემებზე. 2016 წელს ჯგუფის კომპოზიტორის, თანადამფუძნებლისა და უცვლელი წევრის, გრინჩის გარდაცვალების შემდეგ კოლექტივმა ჩანაწერები და გამოსვლები დაასრულა.
კრედიტები